2012 оны 7 сараас FreeBSD-н бүх эх код, баримтжуулалт болон портын цуглуулгыг хадгалахдаа Subversion (svn)-г үндсэн хувилбар удирдах систем болгон ашиглаж эхэлсэн.
Тэмдэглэл: Subversion хөгжүүлэлтийн хэрэгсэл юм. Ихэнх хэрэглэгчид FreeBSD-г шинэчлэх хэсэгт зааснаар FreeBSD-н үндсэн системийг шинэчлэх ёстой бөгөөд FreeBSD-н портын цуглуулгыг шинэчлэхдээ Portsnap-г ашиглах ёстой.
Subversion-д URL-г ашиглан репозиторыг заадаг бөгөөд protocol://hostname/path хэлбэрийн байна. Доор заасан шиг толин тусгалууд өөр өөр протоколуудыг дэмжиж болно. Замын эхний хэсэг нь хандаж болох FreeBSD-н репозитор юм. Гурван өөр репозитор байдаг: FreeBSD-н үндсэн системийн эх кодод зориулсан base, Портын цуглуулгад зориулсан ports, баримтжуулалтад зориулсан doc байдаг. Жишээ нь URL svn://svn0.us-east.FreeBSD.org/ports/head/ нь svn протоколыг ашиглан svn0.us-east.FreeBSD.org толин дээрх портын репозиторын гол салбарыг зааж байна.
Subversion-г аль ч репозиторын агуулгыг татаж авахаас өмнө суулгасан байх шаардлагатай. Хэрэв портын мод байгаа бол Subversion-г ингэж суулгаж болно:
# cd /usr/ports/devel/subversion # make install clean
Хэрэв портын мод байхгүй бол Subversion-г багц хэлбэрээр суулгаж болно:
# pkg_add -r subversion
Хэрэв pkgng ашиглан багцыг удирддаг бол Subversion-г ингэж суулгана:
# pkg install devel/subversion
Эхийн цэвэр хувилбарыг татаж локал сан руу авахад svn тушаалыг ашиглаж болно. Энэ санд байгаа файлуудыг локал ажлын хувилбар гэдэг.
Сануулга: Локал сан нь үүссэн боловч svn тушаалаар үүсгэгдээгүй бол татаж авахаасаа өмнө нэрийг солих юм уу устгаарай. svn-ээр үүсгэгдээгүй сан дээр татаж авах тохиолдолд татаж авч байгаа файлууд нь байгаа файлуудтай зөрөх асуудал үүсч болзошгүй.
Өгөгдсөн репозитороос татаж авахдаа энэ маягийн тушаалыг:
# svn checkout svn-mirror/repository/branch lwcdir
гэж ажиллуулах бөгөөд:
svn-mirror нь Subversion толин сайтууд дахь аль нэгийн URL юм.
repository нь төслийн аль нэг репозитор бөгөөд жишээ нь base, ports, эсвэл doc.
branch нь ашиглаж байгаа репозитороос хамаарна. ports ба doc нь head салбарт ихэвчлэн шинэчлэгддэг бол base нь -CURRENT-н хамгийн сүүлийн хувилбарыг head дотор агуулж байдаг бөгөөд -STABLE салбарын сүүлийн хувилбарууд нь stable/8 ( 8.x) болон stable/9 (9.x) дотор байдаг.
lwcdir нь зааж өгсөн салбарын агуулга байрлах сан юм. Энэ нь ихэвчлэн ports-н хувьд /usr/ports, base-н хувьд /usr/src, doc-н хувьд /usr/doc байдаг.
Энэ нь Портын цуглуулгыг АНУ-н баруунд байрлах репозитороос HTTPS протокол ашиглан локал ажлын хуулбарыг /usr/ports-д санд байршуулж байгаа жишээ юм. Хэрэв /usr/ports сан байгаа бөгөөд svn-ээр үүсгэгдээгүй бол өөрчлөх юм уу устгахаа мартуузай.
# svn checkout https://svn0.us-west.FreeBSD.org/ports/head /usr/ports
Алсын репозиторын бүрэн салбарыг эхний удаа татаж авах учраас удаж магадгүй. Тэвчээртэй байгаарай.
Эхний удаа татсаныхаа дараа локал ажлын хуулбарыг шинэчлэхдээ:
# svn update lwcdir
Дээрх жишээн дээр үүсгэсэн /usr/ports-г шинэчлэхдээ:
# svn update /usr/ports
Татаж авахаас шинэчлэх нь хурдан бөгөөд өөрчлөгдсөн файлуудыг л татаж авдаг.
Татаж авсныхаа дараа локал ажлын хуулбарыг шинэчлэх өөр нэг арга нь /usr/ports, /usr/src, ба /usr/doc сангууд дахь Makefile-д байдаг. SVN_UPDATE-г зааж өгөөд update гэж хэрэглэнэ. Жишээ нь /usr/src-г шинэчлэхийн тулд:
# cd /usr/src # make update SVN_UPDATE=yes
Subversion ашиглах талаар бусад мэдээллийг Version Control with Subversion нэртэй “Subversion ном”, эсвэл Subversion баримтжуулалтаас үзнэ үү.
Энэ болон бусад баримтуудыг ftp://ftp.FreeBSD.org/pub/FreeBSD/doc/ хаягаас татаж авч болно.
FreeBSD-ийн талаар <questions@FreeBSD.org> хаягтай
холбоо барихаасаа өмнө баримтыг уншина уу.
Энэ бичиг баримттай холбоотой асуулт байвал <doc@FreeBSD.org> хаягаар цахим
захидал явуулна уу.
Энэ бичиг баримтын орчуулгатай холбоотой асуулт
байвал <admin@mnbsd.org>
хаягаар цахим захидал явуулна уу.